香港新浪網 MySinaBlog
« 上一篇 | 下一篇 »
隱形富豪投資王 | 5th Jun 2012, 07:20 | 金手指 [孫柏文] | (271 Reads)

李顯揚,提價吧!

早排,新加坡李光耀細仔李顯揚做主席嘅星獅集團,提出要私有化喺香港上市嘅子公司星獅地產(535)。
佢哋聲稱係以資產淨值 NAV八折幾嘅作價,原本孫柏文都冇乜嘢,點知再睇,發覺原來佢哋有塊深圳靚地未計入個 NAV度。街傳話計埋, NAV會高八成!
佢哋未出私有化正式文件,應該好快出,所以希望佢哋會睇到呢個錯漏。睇到的話,我只可以話:「李顯揚,提價吧!」新加坡人唔好搵我哋香港人笨。
I hope this mistake can be rectified, for though many of us are dumb, none of us are blind。


希臘國會例 利最大黨
跟住講左右歐元區未來嘅希臘大選。原來根據希臘法例,選舉前嘅兩個禮拜,民調要進入寂靜期。即係唔可以再公佈最新民調結果。
咁根據最後個民調,反減赤黨 Syriza以31.5%領先,比支持減赤黨嘅 New Democracy( ND)26.5%高。
大家可能會話,都唔係高好多啫,加上31.5%都唔係大多數。
不過大家要記得,原來希臘係高門檻比例代表制,即係先剔除所有小黨派嘅得票,之後就將國會300席裏面嘅250席以比例分配。最後嘅50席點算?原來係會畀得票最高嗰個黨。
即係如果得三個黨過門檻,就算兩個支持減赤嘅傳統大黨加埋嘅票比 Syriza多, Syriza作為最高得票黨,都可以在國會有過半議席,到時歐元區一觸即爆。
因為「資訊不對稱嘅尋租活動」,即係我知你唔知之下,畀我屈你機,永遠都係最易搵錢嘅方法,如果我係對冲基金,我一定請人做民調,做完民調後走去買定花生 Trade滙控(005)。

留言(0) | 引用(0) | 話題(股市)